Cəlilabadda qəzalı işıq dirəyi aşaraq yanğına səbəb olub

Cəlilabad rayonunda işıq dirəyinin aşması nəticəsində yanğın olub.

"Report"un Muğan bürosunun məlumatına görə, hadisə rayonun Suluçeşmə kəndi ərazisində qeydə alınıb.

Belə ki, uzun müddətdir qəzalı vəziyyətdə olan işıq dirəyi aşıb, nəticədə elektrik naqillərində yaranmış qığılcımlar ətrafa səpələnib.

Bu zaman biçilmiş əkin sahələrində yanğın başlayıb.

Hadisə yerinə cəlb olunan Fövqəladə Hallar Nazirliyinin Cəlilabad Rayon Yanğından Mühafizə Hissəsinin əməkdaşları və texnikası tərəfindən yanğının qarşısı alınıb.

Faktla bağlı araşdırma aparılır.