Cəbrayılda polisə tabesizlik göstərən sərxoş sürücü həbs edilib

Cəbrayılda polisə tabesizlik göstərən sərxoş sürücü həbs edilib Cəbrayıl Rayon Polis Şöbəsinin əməkdaşları tərəfindən yerinə yetirilən tədbirlər zamanı qanunlara məhəl qoymayaraq tabesizlik göstərən sərxoş sürücü saxlanılıb.
Hadisə
334
13 Dekabr , 2021 10:30
Cəbrayılda polisə tabesizlik göstərən sərxoş sürücü həbs edilib

Cəbrayıl Rayon Polis Şöbəsinin (RPŞ) əməkdaşları tərəfindən yerinə yetirilən tədbirlər zamanı qanunlara məhəl qoymayaraq, tabesizlik göstərən sərxoş sürücü saxlanılıb.

Daxili İşlər Nazirliyinin Mətbuat Xidmətinin Bərdə regional qrupundan "Report"a verilən məlumata görə, Cəbrayıl RPŞ-nin əməkdaşları Balyand kəndi ərazisindəki stasionar postda prosedur qaydalarına uyğun olaraq “Mersedes” markalı yük avtomobilinə baxış keçirmək məqsədilə “Saxla” işarəsi veriblər.

Həmin şəxs qanuni göstərişə məhəl qoymayaraq, Cəbrayıl rayonu istiqamətində hərəkəti davam etdirib. Təhlükəli manevrlər edərək digər hərəkət iştirakçılarının həyat və sağlamlığı üçün təhlükə yaradıb. Polis əməkdaşları tərəfindən həmin avtomobilin saxlanılması təmin edilib.

Aparılan araşdırmalarla sürücünün Abşeron rayon sakini Elşən Abbasov olduğu və sərxoş vəziyyətdə avtomobili idarə etdiyi müəyyən edilib.

E.Abbasov barəsində İnzibati Xətalar Məcəlləsinin müvafiq maddələri ilə inzibati protokollar tərtib edilərək rayon məhkəməsinə göndərilib. Məhkəmənin qərarı ilə o, 30 sutka inzibati həbs edilib və bir il müddətinə sürücülük hüququ məhdudlaşdırılıb.

Son xəbərlər

Orphus sistemi