​Bakıda tələbə qız özünü 14-cü mərtəbədən atmaq istəyib

Bakı. 18 aprel. REPORT.AZ/ Bakının Nəsimi rayonunda 18 yaşlı qız intihara cəhd edib.

“Report”un xəbərinə görə, Bakı şəhər sakini A.R. akademik H.Əliyev küçəsində 15 mərtəbəli binanın 14-cü mərtəbəsinə çıxaraq özünü oradan atmaq istəyib. İntihar cəhdinin qarşısı polis əməkdaşları və sakinlər tərəfindən alınıb.

Qeyd edək ki, A.R. 1 saylı Tibb Kollecinin ikinci kurs tələbəsidir.

Faktla bağlı araşdırma aparılır.