Bakıda mənzildə partlayış baş verib - FOTO

Bakı. 24 noyabr. REPORT.AZ/ Bakıda mənzildə qaz sızması nəticəsində partlayış olub.

"Report"un xəbərinə görə görə, hadisə paytaxtın Binəqədi rayonu, Abay Kunanbayev küçəsi, 6, mənzil 19-da qeydə alınıb.

Partlayışdan sonra yanğın baş verib. Mənzildə yaşayış olmadığından xəsarət alan yoxdur. Partlayış nəticəsində mənzilin şüşələri maşınların üzərinə tökülüb, iki maşına ziyan dəyib. Yanğın yuxarıdakı mənzilə də keçib, sakinlər təxliyə edilib.

Fövqəladə Hallar Nazirliyinin əməkdaşları yanğını söndürərək digər mənzillərə keçməsinin qarşısını alıb.