Bakı. 16 mart. REPORT.AZ/ Bakıda mənzildə yanğın olub, hadisə nəticəsində iki nəfər yanıq xəsarəti alıb.
"Report"un məlumatına görə, hadisə paytaxtın Bakıxanov qəsəbəsi, Əhmədbəy Ağayev küçəsi, bina 47 ünvanında baş verib.
Yanğın doqquzmərtəbəli binada qeydə alınıb.
Yanğın nəticəsində iki nəfər xəsarət alıb. Yaralılar 3 saylı Şəhər Klinik Xəstəxanasına aparılıb.
Hadisə yerinə gələn yanğınsöndürənlər yanğını söndürüblər.
Faktla bağlı araşdırma aparılır.