Bakıda 10 yaşlı uşağı avtomobil vurub

Bakının Xətai rayonunda azyaşlının xəsarət alması ilə nəticələnən yol-nəqliyyat hadisəsi baş verib.

“Report”un məlumatına görə, avtomobil yolu keçən 2012-ci il təvəllüdlü Y.Əsgərovanı vurub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona qasıq və oturmaq sümüyünün sınığı diaqnozu qoyulub.

Hadisənin təfərrüatı araşdırılır.