Azərbaycanın daxili işlər orqanlarında yeni təyinat olub

Şəmkir rayon Polis şöbəsində yeni təyinat olub. 

"Report"un Qarabağ mərkəzinin məlumatına görə, bu barədə daxili işlər naziri, general-polkovnik Ramil Usubov müvafiq əmr imzalayıb. 

Əmrə əsasən, polis mayoru İldırım Alıyev Şəmkir rayon Polis şöbəsi rəisinin şəxsi heyət üzrə müavini təyin edilib.

Qeyd edək ki, İ.Alıyev bundan əvvəl Ağcabədi rayon Polis şöbəsinin Dövlət yol polisi bölməsinin rəisi olub və bir müddət əvvəl vəzifəsindən azad edilib.