Ağstafada "Niva" aşıb, sürücü xəsarət alıb

Ağstafada xəsarətlə nəticələnən yol-nəqliyyat hadisəsi olub.

"Report"un Qərb Mərkəzinin məlumatına görə, “Niva” markalı avtomobil idarəetmədən çıxaraq aşıb. Nəticədə sürücü, 1981-ci il təvəllüdlü Şahmar Ağayev müxtəlif dərəcəli xəsarətlər alıb. Yaralı əvvəlcə Ağstafa Rayon Mərkəzi Xəstəxanasına aparılıb. İlkin tibbi yardım aldıqdan sonra Qazax Rayon Mərkəzi Xəstəxanasına göndərilib.

Faktla bağlı araşdırmalara başlanılıb.