Qazax sakinini Ağstafa rayonunda ilan sancıb, vəziyyəti orta-ağırdır.
"Report"un Qərb Mərkəzinin məlumatına görə, Ağstafa rayon Ceyrançöl ərazisində Qazax rayon sakini, 1983-cü il təvəllüdlü Amil İbrahimovu ayağından ilan sancıb.
O, yaxınları tərəfindən xəstəxanaya yerləşdirilib.
Onun vəziyyətinin orta-ağır olduğu bildirilir.
Faktla bağlı araşdırma aparılır.