Qəbul imtahanlarında 696 bal toplayan tələbə dəm qazından boğularaq ölüb, araşdırma aparılır - YENİLƏNİB

Baş Prokurorluq Bakıda tələbənin və qardaşının dəm qazından boğularaq ölməsi barədə məlumat yayıb.

Qurumun Mətbuat xidmətindən "Report"a bildirilib ki, yanvarın 26-da paytaxtın Nərimanov rayonu ərazində 2001-ci il təvəllüdlü Əli Həsənov və 2002-ci il təvəllüdlü Sərxan Həsənovun kirayə qaldıqları evdə dəm qazından zəhərlənərək ölmələri faktı üzrə Nərimanov rayon prokurorluğunda araşdırma aparılır.

ADA Universitetinin IV kurs tələbəsi Sərxan Həsənov vəfat edib.

“Report” xəbər verir ki, onun gecə saatlarında dəm qazından boğularaq dünyasını dəyişdiyini bildirilib.

Qeyd edək ki, S.Həsənov 2020-ci ildə qəbul imtahanlarında 696 bal toplayaraq III qrup üzrə ölkə birincisi olub. Prezident təqaüdçüsü ADA Universitetinin Hüquq fakültəsinin IV kurs tələbəsi idi.