Abşeron Gənclər Şəhərciyində yanğın olub - YENİLƏNİB

Abşeron Gənclər Şəhərciyində baş vermiş yanğın söndürülüb.

Fövqəladə Hallar Nazirliyindən “Report”a verilən məlumata görə, Şəhərcikdə olan mənzilin 2 m² sahəsi yanıb. Mənzilin qalan hissəsi yanğından mühafizə olunub.

Yanğın yanğından mühafizə bölmələri tərəfindən söndürülüb.

*** 14:41

Xırdalan şəhərində yanğın hadisəsi baş verib.

“Report”un xəbərinə görə, hadisə şəhərin Abşeron Gənclər Şəhərciyində qeydə alınıb.

Belə ki, Şəhərcikdə olan yaşayış binaların birinin 6-cı mərtəbəsində yanğın başlayıb.

Hadisə yerinə Fövqəladə Hallar Nazirliyinin 3 yanğınsöndürən maşını cəlb edilib. 

Hazırda yanğınsöndürənlər yanğının söndürülməsinə çalışır.