Yuxarı

UEFA Avropa Liqasının kuboku Cocuq Mərcanlıda nümayiş etdirilib - VİDEO - YENİLƏNİB

​UEFA Avropa Liqasının əfsanəvi kuboku Cocuq Mərcanlı kəndinə gəldi

Video əlavə olunub


*** 16:20

UEFA Avropa Liqasının kuboku Cəbrayıl rayonunun 2016-cı ildə işğaldan azad edilmiş Cocuq Mərcanlı kəndinə gəlib.

"Report"un Qarabağ mərkəzi xəbər verir ki, kuboku yaxından görərək onunla şəkil çəkdirmək istəyən kənd sakinləri və futbol azarkeşləri üçün “Qayıdış” parkında şəkil zonası, “Qarabağ” klubu və Azərbaycan millisinin üzvü Qara Qarayevlə avtoqraf sessiyası təşkil olunub.

Azyaşlı qonaqlar üçün face-art, animator və oyunlarla, futbol üzrə master-klass dərsləri ilə uşaq zonası təchiz edilib, digər əyləncələr təşkil olunub. Bayram ab-havasının yaradılması üçün tədbirdə ölkədə tanınan DJ AKG iştirak edib.

Qeyd edək ki, Avropa Liqası kubokunun turu Cenevrədən başlayaraq Sevilya, Berlin, London, Milan, Moskva, Parisi ziyarət edib və Azərbaycan paytaxtında başa çatıb. Baş mükafat mayın 18-də Bakıya gələrək növbəti gün qədim Gəncə şəhərinə yollanıb. Final oyunu mayın 29-da Bakı Olimpiya Stadionunda İngiltərənin "Arsenal" və "Çelsi" komandaları arasında keçiriləcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi