"Neftçi" “Sabah”ı 4 cavabsız qolla məğlub etdi

Futbol

07 mart, 2020
16:00

Neftçi “Sabah”ı 4 cavabsız qolla məğlub etdi

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Futbol üzrə Azərbaycan Premyer Liqasında XX turun daha bir oyunu keçirilib.

"Report"un məlumatına görə, günün ikinci matçında "Neftçi" "Sabah"ı qəbul edib. "Bakcell Arena"da təşkil olunan qarşılaşma meydan sahiblərinin 4:0 hesablı qələbəsi ilə yekunlaşıb.

Flaqmanın qollarını 6-cı dəqiqədə Saman Nərimancahan, 49-cu dəqiqədə Anton Krivotsyuk, 62-ci dəqiqədə Baqali Dabo, 90+1-ci dəqiqədə isə Mirabdulla Abbasov vurub.

İkinci yerdə qərarlaşan "Neftçi" xallarının sayını 37-ə çatdırıb. "Sabah" isə 21 xalla 5-ci sıradadır

Qeyd edək ki, günün ilk matçında "Qəbələ" "Sumqayıt"ı 5:0 hesabı ilə üstələyib. Tura sabah keçiriləcək "Səbail" - "Zirə" və "Keşlə" - "Qarabağ" oyunları ilə yekun vurulacaq.