“Neftçi” "Keşlə"ni məğlub edərək liderliyini davam etdirib

Bakı. 3 noyabr. REPORT.AZ/ Futbol üzrə Azərbaycan Premyer Liqasında X tura start verilib.

“Report” xəbər verir ki, turun açılış matçında “Keşlə” “ASK Arena”da “Neftçi”ni qəbul edib.

Qarşılaşma “Neftçi”nin 1:0 hesablı qələbəsi ilə başa çatıb. Görüşdə yeganə qolu ikinci dəqiqədə Mirabdulla Abbasov vurub.

Bu nəticədən sonra “Neftçi” 25 xalla liderliyini davam etdirir. “Keşlə” isə 6 xalla 7-ci yerdədir.

Günün digər matçında “Qarabağ” “Sumqayıt”la qarşılaşacaq. Tura sabah keçiriləcək “Qəbələ” – “Sabah” və “Zirə - “Səbail” matçları ilə yekun vurulacaq.