“Mançester Siti” DÇ-2018-in ən gənc futbolçusunu transfer edib

Bakı. 9 avqust. REPORT.AZ/ İngiltərənin “Mançester Siti” klubu Avstraliya millisinin və “Melburn” klubunun futbolçusu Daniel Arzanini transfer edib.

“Report” “şəhərlilər”in rəsmi saytına istinadən xəbər verir ki, İran əsilli 19 yaşlı yarımmüdafiəçi keçidin rəsmiləşməsi üçün İngiltərəyə gəlib. Müqavilənin detalları barədə məlumat verilmir.

Qeyd edək ki, Arzani Rusiyada keçirilən 2018-ci il dünya çempionatının ən gənc futbolçusu kimi tarixə düşüb (19 yaş, 5 ay, 10 gün).