"Borussiya" Bundesliqada "Mayns"a uduzub

Dortmund "Borussiya"sı Almaniya çempionatının 32-ci turunun matçında ev görüşündə "Mayns"a məğlub olub.

“Report” xəbər verir ki, görüş "Mayns"ın 2:0 hesablı qələbəsi ilə başa çatıb.

Matçda hesab oyunun 33-cü dəqiqəsində açılıb. Jonatan Burkardt rəqib komandanı oyuna mərkəzdən başlamağa məcbur edib. 49-cu dəqiqədə Jan-Filipp Mateta penaltini dəqiq yerinə yetirib.

"Borussiya" 66 xalla Bundesliqanın yarış cədvəlində ikinci yeri tutmaqda davam edir. "Mayns" 31 xalla 15-ci yerdədir.