Azərbaycan şahmatçısı Honq Konqdakı turnirdə üçüncü yerə çıxıb

Bakı. 31 oktyabr. REPORT.AZ/ Azərbaycan şahmatçısı Kənan Hacıyev Çinin Honq Konq şəhərində keçirilmiş “St. Joseph Kuboku Çempionlar Turniri"ndə iştirak edib.

"Report" xəbər verir ki, o, Honq Konq Şahmat Federasiyası tərəfindən təşkil olunan turnirdə üçüncü yerə çıxıb. Hacıyev blitz və rapiddə eyni nəticəni göstərib.

Qeyd edək ki, Kənan Hacıyev bu turnirə Honq Konq şahmatçısı Daniel Lam tərəfindən dəvət olunub.