"Yuventus"un kapitanı karyerasını bitirir

İtaliyanın "Yuventus" klubunun kapitanı Corco Kyellini cari mövsümün sonunda karyerasını başa vura bilər.

"Report" "La Gazzetta dello Sport" nəşrinə istinadən xəbər verir ki, 37 yaşlı müdafiəçinin dizindəki ciddi zədə səbəbindən bu addımı atacağı gözlənilir.

Təcrübəli oyunçu zədəyə görə mövsümün böyük hissəsini buraxmalı olub.

Qeyd edək ki, 2005-ci ildən "Yuventus"da çıxış edən Corco Kyellininin Turin klubu ilə müqaviləsi bu ilin yayında bitəcək.