Qvardiola 9 dəfə yarımfinala yüksələn ilk baş məşqçidir

İngiltərənin "Mançester Siti" klubunun baş məşqçisi Xosep Qvardiola UEFA Çempionlar Liqasında yeni nailiyyətə imza atıb.

"Report"un məlumatına görə, 51 yaşlı mütəxəssis buna turnirin yarımfinal mərhələsinə vəsiqə qazanmaqla nail olub.

Qvardiola 9 fərqli mövsümdə bunu bacaran ilk baş məşqçi olub. O, 4 dəfə İspaniyanın "Barselona" komandasını, 3 dəfə Almaniya "Bavariya"sını, 2 dəfə isə "şəhərlilər"i yarımfinala yüksəldib.

İspaniyalı mütəxəssis hərəyə 8 dəfə yarımfinala adlayan Karlo Ançelotti və Joze Mourinyonu geridə qoyub.

Qeyd edək ki, "Mançester Siti" 1/4 final mərhələsində iki oyunu nəticəsinə əsasən İspaniyanın "Atletiko" (Madrid) klubunu mübarizədən kənarlaşdırıb - 1:0, 0:0.