“Vest Hem”in futbolçusu qəzaya düşüb

“Vest Hem”in hücumçusu Maykl Antonio yol qəzasına düşüb.

“Report” xəbər verir ki, bu barədə klubun mətbuat xidməti məlumat yayıb.

Hadisənin təfərrüatları dəqiqləşdirilməyib.

Jurnalist Eduardo Burqos futbolçunun idarə etdiyi avtomobilin ciddi zədələndiyini bildirib. Hücumçu helikopterlə xəstəxanaya aparılıb.

Daha sonra klub Antonionun vəziyyətinin stabil olduğunu bildirib. Oyunçu şüurludur, ünsiyyət qurur və hazırda London xəstəxanasında həkimlərin yaxından müşahidəsi altındadır.