​Tuyqun Nadirov: "Oğuz Çətinin istefası bizim üçün gözlənilməz oldu"

Bakı. 22 dekabr. REPORT.AZ/ "Oğuz Çətin bu gün səhər istefa verdi. Onun istefası bizim üçün gözlənilməz oldu". "Report"un məlumatına görə, bu barədə "Xəzər Lənkəran" futbol klubunun vitse-prezidenti Tuyqun Nadirov jurnalistlərə açıqlamasında bildirib. 

Onun sözlərinə görə, O.Çətin Lənkərən komandasının prezidenti Mais Mənsimovla görüşü zamanı ayrılmaq istədiyini deyib: "Oğuz Çətin klub rəhbərliyi tərəfindən onun üçün yaradılan şəraitə görə təşəkkür edib və klubdan ayrılaraq vətəninə gedib. Onun gəlib-gəlməyəcəyi hələlik dəqiq deyil".