SOCAR komandasının baş məşqçisi: "Böyükhesablı qələbə bizim üçün də sürpriz oldu"

Ulu Öndər Heydər Əliyevin xatirəsinə həsr olunmuş minifutbol turnirinin final matçında SOCAR komandası üçün böyükhesablı qələbə sürpriz olub.

Bunu "Report"a açıqlamasında adıçəkilən komandanın baş məşqçisi Fuad Rzayev deyib.

O, turnirin yüksək səviyyədə keçirildiyini bildirib:

"Turnirdə güclü komandalar yer almışdılar. Təbii ki, finalda qələbə qazandığımız üçün xoşbəxtik. Bu qələbə oyunçularımızın zəhməti nəticəsində başa gəldi. Qalib gələcəyimizi gözləyirdik. Lakin böyükhesablı qələbə bizim üçün də sürpriz oldu".

Qeyd edək ki, final görüşündə SOCAR "Azərişıq" komandasına 5:0 hesabı ilə qalib gələrək turnirin qalibi olub.