"Səbail" kapitanı ilə müqaviləni uzatdı

"Səbail" klubu daha bir futbolçusu ilə müqavilənin müddətini uzadıb. 

Bu barədə "Report" paytaxt təmsilçisinin Mətbuat xidmətinin rəhbəri Törə Əhmədova məlumat verib. 

Onun sözlərinə görə, komandanın kapitanı Rahid Əmirquliyev yeni sözləşməyə imza atıb. 31 yaşlı yarımmüdafiəçi 2020/2021 mövsümündə də "Səbail"in formasını geyinəcək. 

Qeyd edək ki, Rahid Əmirquliyev 2018-ci ildən "Səbail"də çıxış edir. Təcrübəli oyunçu komanda ilə 2018/2019 mövsümündə Premyer Liqanın bürünc medalını qazanıb.