“Səbail” 4-cü keçidini rəsmiləşdirib

“Səbail” qış transfer pəncərəsində 4-cü keçidini rəsmiləşdirib.

“Report” xəbər verir ki, Şahin Diniyevin baş məşqçisi olduğu komanda “Zirə”nin yarımmüdafiəçisi İlkin Muradovu heyətinə cəlb edib.

“Zirə” sosial şəbəkə vasitəsilə 26 yaşlı yarımmüdafiəçini mövsümün sonuna qədər autsayderlər zonasında qərarlaşan kluba icarəyə verdiyini açıqlayıb.

Qeyd edək ki, “Səbail” buna qədər qış fasiləsində David Qomis, Matiya Lyuyiç və Mirəli Əhmədovu transfer edib.