"Real"ın sabiq üzvü Azərbaycan millisinin futbolçusunun komanda yoldaşı olub

İspaniyanın "Real" (Madrid) klubunun sabiq üzvü Xese Rodriges Azərbaycan millisinin futbolçusu Eddi İsrafilovun komanda yoldaşı olub.

"Report" xəbər verir ki, 31 yaşlı ispaniyalı hücumçu Malayziyanın “Cohor Darul Takzim” kollektivi ilə anlaşıb.

Xese 2011-2016-cı illərdə "Real"ın şərəfini qoruyub.

Qeyd edək ki, Azərbaycan yığmasının yarımmüdafiəçisi Eddi İsrafilov cari mövsümün əvvəlində "Neftçi"dən ayrılaraq “Cohor Darul Takzim” komandasına keçib.