Ramil Şeydayev iki məhsuldar ötürmə verib, komandası qələbə qazanıb

Azərbaycan millisinin futbolçusu Ramil Şeydayev Tailandın "Buriram Yunayted" klubunda məhsuldar ötürmələr verib.

"Report"un məlumatına görə, 27 yaşlı hücumçu "Trat"a qarşı keçirdikləri çempionatın IV turun oyununda birinci və dördüncü qolun vurulmasında yaxından iştirak edib.

Matça start heyətində başlayan Şeydayev 78-ci dəqiqədə əvəzlənib.

Qeyd edək ki, qarşılaşma "Buriram Yunayted"in 4:0 hesablı qələbəsi ilə başa çatıb.