Premyer Liqa: “Neftçi” “Kəpəz”lə heç-heçə edib

Misli Premyer Liqasının XXXIII turunda “Neftçi” "Kəpəz"lə heç-heçə edib.

“Report”un məlumatına görə, “Neftçi Arena”da baş tutan matç 2:2 hesabı ilə yekunlaşıb.

Meydan sahiblərinin heyətində Aleks Fernandes (24), Emin Mahmudov (90+6-p.) fərqlənib. Gəncə təmsilçisinin qollarını isə Luis Paçu (50) və Camal Cəfərov (62) vurub.

Xallarının sayını 29-a çatdıran “Kəpəz” 9-cu yerdə qərarlaşıb. “Neftçi” isə 37 xalla altıncıdır.

Qeyd edək ki, turun əvvəlki görüşlərində "Zirə" evdə "Turan Tovuz"a 1:0, “Qarabağ” isə “Sumqayıt”a 2:0 hesabı ilə qalib gəlib. “Araz-Naxçıvan” - “Sabah”, "Şamaxı" - "Səbail" qarşılaşmaları 1:1 hesabı ilə nəticələnib.