Polşa millisinin sabiq qapıçısının “Barselona”ya keçidi rəsmiləşib

“Arsenal”, “Roma”, “Yuventus” klublarının və Polşa millisinin sabiq qapıçısı Voytsex Şensnının “Barselona”ya keçidi rəsmiləşib.

"Report"un Kataloniya klubunun rəsmi saytına istinadən məlumatına görə, 34 yaşlı qolkiperlə 2025-ci il iyunun 30-dək müqavilə imzalanıb.

Avqustun sonunda karyerasını başa vuracağını açıqlayan Şensnı Mark-Andre ter Ştegenin yerinə qapıçı axtaran "Barselona"dan gələn təklifə görə futbola davam etmək qərarına gəlib.

Almaniyalı qolkiper dizindən ciddi zədə alıb və mövsümün sonuna kimi yaşıl meydanlardan kənarda qalıb.