"Olimpiakos"un baş məşqçisi: "Azərbaycanda məşq etməyəcəyik"

"Çox çətin oyun oldu. Matçın ilk yarısından sonra çətinliklər yaşadıq. Sistem dəyişikliyindən də yararlanmalı olduq. Əminik ki, cavab görüşündə əlimizdən gələni edərək, rəqibin güclü oyuna hazır olacağıq".

"Report"un Afinaya ezam olunmuş əməkdaşının məlumatına görə, bunu Yunanıstan "Olimpiakos"unun baş məşqçisi Pedro Martins evdə "Neftçi"yə 1:0 hesabı ilə qalib gəldikləri UEFA Çempionlar Liqasının II təsnifat mərhələsinin ilk oyunundan sonra mətbuat konfransında deyib.

51 yaşlı mütəxəssis bildirib ki, çətinliklərə rəğmən, meydana yeni daxil olanlar oyunun gedişinə müsbət təsir göstəriblər.

Portuqaliyalı baş məşqçi Azərbaycanda məşq etməyəcəklərini və Bakıya hazır formada gedəcəklərini söyləyib: "Oyun stadionunda vəziyyət necə olsa da, biz ora hazır gedəcəyik".

Qeyd edək ki, cavab görüşü iyulun 28-də "Bakcell Arena"da keçiriləcək.