"Neftçi"nin legioneri "Liverpul" və "Roma"nın futbolçuları ilə bir arada

"Neftçi" klubunun futbolçusu Mamadu Kane Qvineyanın əsas milli komandasına dəvət alıb.

"Report" yerli federasiyanın rəsmi saytına istinadən xəbər verir ki, 24 yaşlı yarımmüdafiəçi Afrika Millətlər Kubokunda Namibiya və Mali ilə oyunlar üçün yığmaya çağırılıb.

Baş məşqçi Didye Siks tərəfindən açıqlanmış "23-lük"də İngiltərənin "Liverpul" klubundan Nabi Keyta və İtaliya "Roma"sından Amadu Diavara da var.

Qeyd edək ki, martın 22-də Malini qəbul edəcək Qvineya millisi martın 30-da Namibiyanın qonağı olacaq.