"Neftçi"nin baş məşqçisi: "Romen Bask tələsik qərar verdi"

"Neftçi"nin baş məşqçisi Samir Abasov qış fasiləsində komandadan ayrılmış fransalı futbolçu Romen Baskla müqavilənin pozulmasına münasibət bildirib.

"Report"un məlumatına görə, 44 yaşlı mütəxəssis 27 yaşlı yarımmüdafiəçinin "ağ-qaralar"dan ayrılmaqla tələsik qərar verdiyini söyləyib.

O, Baskın ilk müsahibəsini oxuyanda çox üzüldüyünü vurğulayıb: "Həmin vaxt o qədər dəyərli oyunçu olduğunu və ona qarşı daim xoş davrandığımı bildirmişdim. Düşünürəm ki, qərarında ailəsinin də rolu olmuşdu. Bask bundan sonra zəng edəcəksə, bir söz deyə bilmərəm".

Qeyd edək ki, Romen Bask "Neftçi"ni ölkəsinin "Şatoru" klubuna dəyişib.