"Neftçi"dən ayrılan futbolçu "Səbail"də - YENİLƏNİB

"Neftçi" ilə yollarını ayıran Cabir Əmirlinin yeni klubu bəlli olub.

"Report" xəbər verir ki, 24 yaşlı müdafiəçi "Səbail"ə keçib. Onunla mövsümün sonuna kimi müqavilə imzalanıb.

Əmirli yeni komandasında 6 nömrəli formanı geyinəcək.

"Neftçi" futbolçusu Cabir Əmirli ilə müqaviləyə qarşılıqlı razılaşma əsasında xitam verib.

"Report" xəbər verir ki, klub 24 yaşlı müdafiəçiyə təşəkkür edib, gələcək karyerasında uğurlar arzulayıb.

Qeyd edək ki, ötən ilin yayında “Neftçi”yə transfer olunmuş Əmirli bu ilin yanvarından mövsümün sonunadək icarə əsasında “Sumqayıt” klubunda çıxış edib. O, 2020/2021 mövsümündə 5 oyunda "ağ-qara" formada meydana çıxıb.