“Nasyonal”- “Portu” matçı duman səbəbindən yarımçıq dayandırılıb

Futbol üzrə Portuqaliya çempionatının XVII turunun “Nasyonal” - “Portu” matçı duman səbəbindən yarımçıq dayandırılıb.

“Report” xəbər verir ki, bu barədə “Portu”nun mətbuat xidməti məlumat yayıb.

Qarşılaşma 15-ci dəqiqədə, hesab 0:0 olarkən dayandırılıb. Bir saatdan çox vaxt keçdikdən sonra hava dəyişmədiyi üçün matçın bitməsi barədə qərar verilib.

Oyun barədə daha sonra qərar veriləcək.

“Portu” 40 xalla Portuqaliya çempionatının turnir cədvəlində ikincidir. “Nasyonal” klubu isə 13 xalla 15-ci pillədə qərarlaşıb.