Minifutbol çempionatı: “Zirə” növbəti qələbəsini qazanıb

Minifutbol üzrə Azərbaycan çempionatında XV tura start verilib.

“Report”un məlumatına görə, ilk gündə 4 oyun keçirilib.

Lider “Zirə” autsayderlər zonasında qərarlaşan “Atəşgah Suraxanı”nı asanlıqla məğlub edib. “Zirə” bununla ardıcıl 15-ci qələbəsini qazanıb.

Liderlər qrupunda qərarlaşan “Odlar Yurdu” da turu 3 xalla başa vurub. Son çempion “Birbaşa Bakı” isə bu gün meydana çıxacaq.

Qeyd edək ki, turun “Turan” – “Aznur”, “Galaxy Baku” – “Abşeron”, “Veteran” – “Birbaşa Bakı” və “İnter” – “Siyəzən” oyunları bu gün keçiriləcək.

Azərbaycan çempionatı

XV tur

“Sumqayıt” – “Dirçəliş” 2:2

“Odlar Yurdu” – “Dinamo Gəncə” 8:4

“Zirə” – “Atəşgah Suraxanı” 6:1

“Real Bakı” – “Baku Fire” 6:2