Messi ölkə çempionatlarında 500-cü qolunu vurub

Argentina millisinin ulduz futbolçusu Lionel Messi ölkə çempionatlarında 500-cü qolunu vurub.

"Report"un məlumatına görə, 37 yaşlı hücumçu buna "Orlando Siti"yə 5:0 hesabı ilə qalib gəldikləri MLS çempionatı matçında nail olub.

Təcrübəli forvard bu görüşdə iki dəfə fərqlənməklə dubl edib. O, "Barselona"da çıxış edərkən İspaniya La Liqasında 474, PSJ-nin formasını geyinərkən Fransa Liqa 1-də 22 qola imza atıb. Messinin MLS-də isə 4 qolu var.

Qeyd edək ki, Lionel Messi bütün rəsmi turnirlərdə 891 matçda meydanda olub, 722 qol və 345 məhsuldar ötürmə ilə yadda qalıb.