Məhəmməd Salah “Mançester Yunayted”ə səfərdə ən çox qol vuran futbolçu kimi tarixə düşüb

İngiltərənin “Liverpul” klubunun futbolçusu Məhəmməd Salah Premyer Liqa çərçivəsində “Mançester Yunayted”ə “Old Trafford”da ən çox qol vuran futbolçu kimi tarixə düşüb.

“Report” xəbər verir ki, misirli hücumçu çempionat matçlarında “qırmızı şeytanlar”ı 6 dəfə məyus etməklə yeni rekorda imza atıb.

31 yaşlı forvard son olaraq XXXII turun görüşünün 84-cü dəqiqəsində penaltidən fərqlənərək buna nail olub. O, “Mançester Yunayted”lə səfər qarşılaşmalarında 5 qol vuran “Liverpul”un sabiq kapitanı Stiven Cerrardın rekordunu yeniləyib.

Qeyd edək ki, “Mançester Yunayted” – “Liverpul” oyunu 2:2 hesabı ilə başa çatıb.