Mbappe məşhur tennisçiyə öz formasını hədiyyə edib

İspaniyanın "Real" klubunun yeni transferi Kilian Mbappe məşhur tennisçi Rafael Nadala öz formasını hədiyyə edib.

"Report" xəbər verir ki, fransalı hücumçu La Liqada "Malyorka" klubu ilə oyundan sonra bu addımı atıb.

Tennis ulduzu "Real"ın azarkeşidir və Malyorka adasının tərkibində olan Manakorda doğulub. O, matça xüsusi qonaq kimi dəvət olunub.

Qeyd edək ki, İspaniya çempionatının ilk turunun "Malyorka" - "Real" matçı 1:1 hesabı ilə başa çatıb.