"Mançester Yunayted" "Tottenhem"in əsas hücumçusunu transfer etmək istəyir

İngiltərənin "Mançester Yunayted" klubu Premyer Liqada çıxış edən "Tottenhem"in hücumçusu Son Hın Mini transfer etmək istəyir.

"Report" "GiveMeSport"a istinadən xəbər verir ki, "qırmızı şeytanlar" cari mövsümün sonunda müqaviləsinin müddəti başa çatacaq cənubi koreyalı oyunçunu azad agent kimi sıralarına cəlb etməyi panlaşdırır.

Qeyd edək ki, 2015-ci ildən bu yana "Tottenhem"in şərəfini qoruyan Son Hın Mini cari mövsüm 14 oyunda 4 qol vurub.