"Liverpul"un yay üçün əsas transfer hədəfi məlum olub

"Liverpul"un baş məşqçisi Arne Slot bu yay "transfer pəncərəsi"ndə "Ştutqart"ın yarımmüdafiəçisi Angelo Stilleri heyətinə qatmağa hazırlaşır.

“Report” xəbər verir ki, bu barədə Almaniyanın “Stuttgarter-Nachrichten” nəşri məlumat yayıb.

Slot alman yarımmüdafiəçini prioritet transferlər siyahısına daxil edib. Qeyd olunur ki, "Liverpul"un məşqçisi yarımmüdafiəçinin "taktiki yetkinliyi və oyunu dərindən təşkil etmək bacarığı" ilə maraqlanıb.

"Liverpul" bu transfer üçün 60 milyon avro ödəməyə hazırdır.

Xatırladaq ki, Angelo Stiller cari mövsüm 45 oyun keçirib, 4 qol vurub və 9 məhsuldar ötürmə edib.