"Liverpul" çempionluq yolunda vacib qələbə qazanıb

Futbol üzrə İngiltərə Premyer Liqasında XXXV tura start verilib.

"Report"un məlumatına görə, açılış oyununda çempionluğa iddialı "Liverpul" "Nyukasl"ın qonağı olub. Görüşün taleyini 1 qol həll edib. 19-cu dəqiqədə fərqlənən Nabi Keyta Mersisayd təmsilçisinə qələbə qazandırıb.

Bu nəticədən sonra xallarını 82-yə çatdıran Yurgen Kloppun baş məşqçi olduğu komanda hələlik turnir cədvəlinin zirvəsinə yüksəlib. Liderdən 1 oyun az keçirən və 2 xal geri qalan "Mançester Siti" 2-ci pillədə qərarlaşıb. "Nyukasl" isə 43 xalla 9-cudur.