Konfrans Liqası: "Sumqayıt" Serbiya klubuna qarşı

Konfrans Liqası: "Sumqayıt" Serbiya klubuna qarşı "Sumqayıt" bu gün UEFA Konfrans Liqasında mübarizəyə başlayacaq.
Futbol
1292
21 İyul , 2021 07:45
Konfrans Liqası: Sumqayıt Serbiya klubuna qarşı

"Sumqayıt" bu gün UEFA Konfrans Liqasında mübarizəyə başlayacaq.

"Report"un məlumatına görə, Ayxan Abbasovun baş məşqçi olduğu komanda Serbiyada "Çukariçki"nin qonağı olacaq.

Belqraddakı "Çukariçki" stadionunda keçiriləcək görüş Bakı vaxtı ilə saat 22:00-da başlanacaq. Qarşılaşmanı isveçrəli hakim Fedayi San idarə edəcək. Matç azarkeşlərin iştirakı ilə oynanılacaq.

Bu, Azərbaycan klublarının Konfrans Liqasındakı ilk oyunu kimi də tarixə düşəcək. Premyer Liqanın bürünc mükafatçısı tarixində ikinci dəfə avrokubok matçına çıxır. "Gənclik şəhəri" təmsilçisi ötən mövsüm Avropa Liqasının I təsnifat mərhələsində Şimali Makedoniyanın "Şkendiya" komandasına 0:2 hesabı ilə uduzub. Təsnifat mərhələsi koronavirus pandemiyası səbəbindən bir görüşdən ibarət olub.

21 iyul

UEFA Konfrans Liqası

22:00. "Çukariçki" (Serbiya) - "Sumqayıt" (Azərbaycan)

Baş hakim: Fedayi San (İsveçrə)

Belqrad. "Çukariçki" stadionu

Qeyd edək ki, komandalar arasındakı cavab oyunu bir həftə sonra Sumqayıtdakı "Kapital Bank Arena"da keçiriləcək.

Son xəbərlər

Orphus sistemi