"Kəpəz" Tərlan Əhmədovla yollarını ayırıb

"Kəpəz" baş məşqçisi Tərlan Əhmədovla yollarını ayırıb.

Klubdan "Report"a verilən məlumata görə, bununla bağlı qərar klubun İdarə Heyətinin bugünkü iclasında qəbul olunub.

52 yaşlı mütəxəssislə ötən mövsümün sonunda başa çatan müqavilə yenilənməyib.

Komandanın sükanı arxasına Azər Məmmədov gətirilib. Onunla 1+1 illik müqavilə imzalanıb.

Qeyd edək ki, Tərlan Əhmədov ötən ilin sentyabrında "Kəpəz"ə baş məşqçi təyin olunmuşdu.