İspaniya klubunun yarımmüdafiəçisi karyerasını PSJ-də davam etdirə bilər

İspaniyanın "Barselona" klubunun yarımmüdafiəçisi Dani Olmo karyerasını Fransada davam etdirə bilər.

"Report"un "Sport.es"ə istinadən məlumatına görə, PSJ-nin baş məşqçisi Luis Enrike İspaniya yığmasının 26 yaşlı üzvünü heyətə cəlb etmək niyyətindədir.

"Barselona" futbolçunu La Liqada mövsümün qalan hissəsi üçün qeydiyyatdan keçirməkdə problemlə üzləşib. Onun qeydiyyat müddəti dekabrın 31-də başa çatacaq.

Qeyd edək ki, D.Olmo "Barselona"dakı ilk mövsümündə bütün turnirlərdə keçirdiyi 15 matçda 6 qol və 1 məhsuldar ötürmə ilə yadda qalıb.