İspaniya klubu fransalı futbolçunu transfer edib

İspaniya təmsilçisi "Vilyarreal" fransalı hücumçu Tyerno Barrini transfer edib.

"Report" klubun mətbuat xidmətinə istinadən xəbər verir ki, 21 yaşlı futbolçu ilə müddəti 2029-cu ilə qədər olan müqavilə bağlanıb.

"Transfermarkt" portalı İspaniya klubunun bu futbolçu üçün 14 milyon avro ödədiyini, onun qiymətinin isə 4 milyon avro olduğunu yazıb.

Qeyd edək ki, T.Barri 2023-cü ildən İsveçrənin "Bazel" klubunda çıxış edir. O, komandanın heyətində meydana çıxdığı bütün turnirlərdə 41 oyun keçirib, 20 qol vurub, 5 məhsuldar ötürmə edib. La Liqanın 2024/2025 mövsümünün ilk turundan sonra "Vilyarreal" 1 xalla turnir cədvəlinin 5-ci pilləsində qərarlaşıb.