İngiltərə Premyer Liqası: “Liverpul” “Mançester Siti” ilə xal fərqini daha da artırıb - VİDEO

Futbol üzrə İngiltərə Premyer Liqasının XI turunda “Liverpul” Birminqemin “Aston Villa” klubunu qəbul edib.

“Report” xəbər verir ki, baş hakim Devid Kutun idarə etdiyi matç “Enfild” stadionunda baş tutub.

Hesabı 20-ci dəqiqədə Darvin Nunyes açıb. 84-cü dəqiqədə isə Məhəmməd Salah meydan sahiblərinin 2:0 hesablı qələbəsini rəsmiləşdirib.

Beləliklə, 11 oyundan sonra “Liverpul” mümkün 33 xaldan 28-ni toplayaraq zirvədəki yerini bərkidib. Mersisayd təmsilçisinin ən yaxın təqibçisi “Mançester Siti”dir (23 xal). Eyni sayda oyun keçirmiş “aslanlar” isə 18 xalla 8-ci pillədə qərarlaşıb.

Xatırladaq ki, daha əvvəl “şəhərlilər” “Brayton”a məğlub olmuşdular.