İngiltərə Premyer Liqası: “Çelsi” Entso Fernandesin debüt matçında “Fulhem”i yenə bilməyib

İngiltərə Premyer Liqasının XXII turunda “Çelsi”nin “Fulhem”i qəbul etdiyi matçda qalib müəyyənləşməyib.

“Report” xəbər verir ki, oyun paytaxt Londondakı “Stemford Bric” stadionunda baş tutub.

Hakim Stüar Atvellin idarə etdiyi matça Qrem Potterin yetirmələrinin topa sahiblikdə üstünlüyünə baxmayaraq, görüş zamanı komandalar, demək olar, qol vəziyyətləri yaratmayıb.

Qeyd edək ki, “Benfika”nın keçmiş yarımmüdafiəçisi Entso Fernandes London klubunda debüt edib.

“Çelsi” 30 xalla Premyer Liqada 9-cu pillədə qərarlaşıb. Hazırda “Fulhem”in 32 xalı var və komanda altıncı yerdədir.