İngiltərə millisinin sabiq futbolçusu mövsümün sonunda BBC-dən ayrılacaq

İngiltərə millisinin sabiq futbolçusu Qari Lineker BBC-də yayımlanan “Günün matçı” (“Match Of The Day”) verilişindəki 25 illik aparıcı vəzifəsini 2024/2025 mövsümünün sonunda tərk edəcək.

“Report” xarici KİV-ə istinadən xəbər verir ki, telekanal 63 yaşlı keçmiş hücumçunun vəzifəsindən ayrılacağını təsdiqləyib.

Qeyd edək ki, Q.Linekerin 1999-cu ildən aparıcısı olduğu veriliş hər şənbə futbol azarkeşlərini ekran başına toplayır.