İngiltərə millisinin sabiq futbolçusu Çempionşip təmsilçisinin baş məşqçisi olacaq

İngiltərə millisinin sabiq futbolçusu, hazırda "Arsenal"ın U-18 komandasını çalışdıran Cek Uilşir Çempionşipdə mübarizə aparan "Norviç"in baş məşqçisi olacaq.

"Report" xəbər verir ki, bu barədə "The Athletic" məlumat yayıb.

Uilşir 2022-ci ilin yayında futbolçu karyerasını bitirdikdən sonra London klubunda işləməyə başlamışdı. O, futbolçu kimi "Arsenal"da təxminən 200 oyun keçirib. İngiltərə milli komandasında isə 34 matçda forma geyinib.

Qeyd edək ki, Çempionşipdə çıxış edən "Norviç" 10 turdan sonra 16 xalla 7-ci yerdədir.