İlin məşqçisi seçilən Qurban Qurbanov mükafatlandırılıb

"Komanda.az" saytının jurnalistlər arasında keçirdiyi sorğuda 2023-cü ilin məşqçisi seçilən “Qarabağ”ın baş məşqçisi Qurban Qurbanov mükafatlandırılıb.

“Report”un məlumatına görə, bu gün “Fairmont Baku” hotelində baş tutan tədbirdə futbol ictimaiyyətinin nümayəndələri, jurnalistlər və qonaqlar iştirak ediblər.

51 yaşlı mütəxəssis 66 jurnalist arasında təşkil olunan səsvermədə 56 səslə birinci olub.
O, 2009-cu ildən bu yana keçirilən sorğuda hər il bu mükafata layiq görülüb.