Fransa məhkəməsi qadın futbolçulara hicab qadağasını qüvvədə saxlayıb

Fransanın ən yüksək, Ali inzibati məhkəməsi müsəlman qadın futbolçuların Fransa Futbol Federasiyasına (FFF) qarşı qaldırdığı işi üzrə yekun qərar verib.

Bu barədə “Report” “Haber Global”a istinadən xəbər verir.

Qeyd olunub ki, məhkəmə, Fransa Futbol Federasiyasının futbolçuların oyunlar zamanı hicab geyinməsinə qoyduğu qadağanın “uyğun və münasib” olduğu barədə qərar verib.

Məhkəmənin açıqlamasında bildirilib ki, idman federasiyaları yarışlarda idmançıların üzərinə qərəzsizlik öhdəliyi qoya bilər və buna səlahiyyəti də var.

Qeyd edək ki, 2014-cü ildə FİFA futbolçuların hicab taxmasına qoyulan qadağanı ləğv etmişdi.